بقلم الكاتب /أشرف فتحي عبد العزيز
عن كل يوم بتنام ودموعك على خدك
وبتلوم نفسك عن إنك آمنت لناس معندهاش ضمير ولا اصل
ناس دخلتهم حياتك وملكتهم قلبك وروحك بنيه صافية..!
كل أحلامك معاهم كانت بسيطة حب صادق وقلب يحتويك وضمير حي
كل أحلامك كانت الأمان والاطمئنان و ان في حد في حياتك هو سندك وعزوتك
وهو قوتك وقت ضعفك وفرحتك وقت حزنك…!
بس مش كل الأحلام البسيطة دي بتتحقق بفرح وأمل ، للأسف بتتحول لدموع وكوابيس
بتتحول حياتهم لوجع وألم، من ناس غدارة معندهاش قلب او إحساس، ناس رخيصة ملهاش أمان
عرفتوا الناس المجروحة دي بتتوجع ازاي كل ليله وكل يوم ومحدش حاسس بيهم في الحياة ولا بعذابهم
اللي بيحاوطهم بين الوحدة والخوف…!
ناس كتير بنشوفها بتضحك ومبسوطة قدامنا، بس جواهم شخص تاني مليان وجع
مستني الليل علشان تروح الضحكة وسط الدموع، ويبدأ يموت زي كل يوم …!
