تأليف / صلاح الحوتى
ياللي غاوي الفنتظية
والبكش عندك دا غيه
هوش بكش ايه يهمك
وان جرالك شئ عليا
ماتقوليش وماتعدليش
حال الدنيا مايعجبنيش
هوش بكش فيها تعيش
ماتبكش تاكل براطيش
الجيران طبخوا ومادونيش
عزمت نفسي قالو مافيش
غير العضم والقراقيش
ياناس يافاصوليا ماتعشونيش
موسى مافيش لحمة مافيش
صلصة مافيش ماتقوليش
وماتعدليش
قلوب الناس مدهونة ورنييش
لو كنت في يوم جعان
اوعي تشكي للجيران
اي مطعم خش واقعد
وبجرائة روح مسقف
قوله هات لحوم هات خضار
وأعوج الطربوش كمان
كل وقوم شطف ايديك
واذا طالبك بالحساب يا حلو
قوله يعنى انتا راح تعمل ايه
غايته الحلل تفلق دماغك
والصحون تكسر دراعك
تبقي أكله مستوية
وان جرالك شئ عليا
ياللي غاوي الفنتظية
والبكش عندك دا غيه
لو حد شتمك ليه تصهين عنه ليه
هات حديدة وفى دماغه خلص عليه
ديتها عالمحاكمة يحولوك ولبس سجن يلبسوك
وبعدها تحصل أبوك الله يرحم أبوك
تبقي موته اجبارية
وابقي خالي المسئولية
وان جرالك شئ عليا
ياللي غاوي الفنتظية
والبكش عندك دا غيه
ماتقوليش وماتعدليش
حال الدنيا مايعجبنيش
عجبي
