منوعات

حلم نائم : عامية مصرية فانتازيا

 

حلم نائم : عامية مصرية فانتازيا
حلم نائم : عامية مصرية فانتازيا

تأليف / صلاح الحوتى

في مرة جاي تعبان من شغلي . تعبان قوي ومهدود الحيل
اسمع وشوف اللي حصلي . يدوب قلعت هدومي في سلام .
من قلة النوم عقلي تاه. حطيت دماغي ولسه هنام
سمعت صوت بيقول اه اه
عفريت في اوضدتى ياحستى ياحستى
مالوهم غمضت عنيا وباللحاف دغري اتغطيت.

المرتبة وقعدت بيا ومالسرير عنها وطبيت
3 كراسي فتحوا الباب ومصدقوا فاتحوه وقالو يافكيك
والكنبة مسكت فالدولاب خادوا بعضهم علي برة عديك
وبقيت العفش جري وراهم من بنطلون لقميص لجاكته
واللمبة والعة وبتعيط وبتقولهم يلا بعودة.

قلت ياواد الهروب احسن لك اخلص بروحك من داعذاب
سمعت صوت بيقول اه اه خليك مكانك شعري شاب
قعدت ارتب ازجالي والدنيا نهار بصيت لقيت فيل عجالي
كان خاطفه الفار جريت وراه خش في شقه
ودخلت وراه وبعدها فالهون دقه بفتيك وشواه
دماغي لفتلك لفة في سر الكون.

ولقيت بالون طار فالسما وصوته يزمر والريح يديه حالاً جريت وانا متشمر
نطيت لك فيه مش خايف انما بهرب من ايه ولفين ماعرفش ما هو انا لما اركب
اركب جحش انما بالون ابقي انا مجنون
وصلنى لندن بمهارة ونزل في مطار بصيت لقيت بالنضارة كفر الدوار
وشفت حتة حرباية سايقة اوتومبيل وجحش ومعاه جحشاية قاعدين مصاطيل.

بيلعبوا الطاولة في عيدهم عالتلي طوار ويشخشخوا الزهر بايدهم ويقولوا دا جهار
من بعدها ارنب زارني وعرفني تمام وراح نافخني مطيرنى علي بر الشام
انا قلت تايه دلونى ياهل التدابير بكيت وشفت دمع عيونى بقي بحر كبير
فيه فلايك وسفن وبواخر اكبر ما لبيت غرقت قام دغري بلعني ما لمية حوت
فضلت في بطنه الجاحد وماسك لى نفير بصيت لقيت حتت واحد 100 مناخير
ماسك مسدس فالشارع وواقف زنهار ضربنى رش وراح طالع من الطلقة حمار
ركبته قمص ورمانى من سابع دور طيرلي من الواقعة سنانى وفضلت اصيح
اتارينى بحلم في سريري ووقعت صحيح …….عجبي

مقالات ذات صلة

زر الذهاب إلى الأعلى
Don`t copy text!