قصيده لو هتعاتبني

كلمات الشاعر محمد عبد العزيز رمضان

لو هتعاتبني

أوعاك تقولي

إني في مرة

غدرت بيك

أنا عمري ما أنسى

إنك حبيبي

وكل عمري

أنا مش ناسيك

تعال أقرب

وأوعاك تجرب

إنك تخوني

أنا مشتريك

أنت حياتي

وذكرياتي

وأغلى كلمة

أنا روحي فيك

ليه ترضى بعدي

وتنسى وعدي

ومهما تنسى

أنا أحن ليك

يا أحلى غنوة

في كتاب حياتي

وشمس دافية

أنا كلي ليك

اخترت بعدي

وخالفت وعدى

أنا مش هفكر

من تاني فيك

خلاص يا قلبي

بكفايه دمعك

لا هو سامعك

ولا هيداويك

إيه اللي غير

كل اللي بينا

لو كان حقيقي

بيخاف عليك

هيصون ودادك

ويخاف بعادك

وكل لحظة

قلبه يناديك