كتب / زهرة غزال
محتاجه لإيه ؟
محتاجه لحد
أسند عليه
ياخُد بإيدى
فى يوم ما أقَع
ويكون جدع
يكون معايا فى فرحي
وكمان فى الوجع
محتاجه لإيه ؟.
.محتاجه لحد يشدّنى
محتاجه لحد يــــاااااه
من قلبه لو يعزّني
ويكون أمان
نهار وقت الغروب
محتاجه لإيه ؟
محتاجه لحد
يكون سَنَد
يرُدّ غيبتى
ويكون فى ضهرِي
زى الأسد
يكون مَدَد ليه
يكون حنيّن
والصعب معاه يبقى ليّن
محتاجه لحد مايكونش
كِمالة عدد في حياتي
وخلاص
محتاجه لإيه ؟
محتاجه لحد
إن قولت سيب
يقولّي عمرى ماسيب –
مايخونش مايخذلش
ولا ظنِّي فيه
فى يوم يخيب
محتاجه لحد يظهرلى فجأه
, لو يوم يَأَسْت ويقولي انا هنا
محتاجه لحد يكونلِي “حضن
اهربلُه من كل شئ في الحياه
محتاجه لإيه ؟؟
محتاجه لحد يكون هنا
مايسبنيش ولو بعد
مِائه سنة
محتاجه لحد
يكون ضهرى
