مده التحضير:30دقيقه
مده الطهى:ساعه
مقدمه من /عبير سيد
المقادير
4سمكات مكريل
للتتبيله
2حبه طماطم
2 حبه فلفل رومى
1حبه فلفل حامى (اختيارى)
4معالق كبيره صلصه
معلقه كبيره ثوم مفروم
3معالق كبيره عصير ليمون
3معالق كبيره خل
معلقه صغيره من /كمون كزبره ناشفه بابريكا ملح
ربع كوب صغير زيت
3 عود كزبره خضراء مقطعه رفيع
للفرش فى الصنيه
4حبات بطاطس مقطعه حلقات رفيعه
2حبه طماطم مقطعه حلقات
2حبه فلفل رومى مقطع حلقات
جزره مبشوره
الطريقه
ننظف السمك كويس جدا من جوه ونغسله كويس ونعمله فتحات من الجنبين
نفرم الطماطم والفلفل الرومى والثوم فى الكبه بعد ما نفرمهم نضفهم على صلصله الطماطم والزيت وعصير الليمون والخل والكزبره الخضراء ونضيف عليهم الملح والكمون والكزبره الناشقه والبابريكا ونقلبهم كلهم مع بعض وناخذ نضف التتبيله دى ونحشى بيها السمك من جوه ومن بره
بعد كده نحضر صنيه ونفرد فيها البطاطس والفلفل الرومى والطماطم اللى عملناهم حلقات والجزره المبشوره ونضيف عليهم النصف التانى من التتبيله
ونقلبهم كويس مع بعض بعد كده نرص عليهم السمك ونغطى الصنيه بورق فويل وندخلها الفرن ساخن مسبقا فى الرف الوسطانى لمده ساعه الا ربع واخر ربع ساعه نرفع ورقه الفويل من على الصنيه ونسبها كمان ربع ساعه لحد ما السمك ياخد لون وتخرج من الفرن
