بنحضر اللحمة البتلوا بنضعها فى كيس ابيض شفاف ونبطها كويس لازم تكون سمكها فى سمك ورقة الكرنب وبعد كدة بناخد مياه البصل اللي بشرناة ونضيف علية الملح والفلفل الابيض والمستردة ونخلطهم مع بعض كويس بالمضرب ونحط اللحمة فى المارينية وندخلها الثلاجة لمدة من ساعة الى ساعتين وبعد ذلك بنخرجها من الثلاجة ونضعها فى الدقيق ثم البيض ثم البقسمات ونبطها بالايد كويس على خفيف ونظبط الاطراف بالسكينة وندخلها الفريزر لمدة نص ساعة وبعد كدة نضع طاسة على نار هاديا ونضيف فيها الزيت والزبدة ونبداء عملية التسوية حتى تعطينا اللون الذهبى . ويقدم معها بطاطس مقلية (بم فريت)
★★ملحوظة هامة جدا .
لازم نستخدم لحمة بتلوا فى طريقة عمل الاسكالوب وتكون من الزند يعنى من الارجل الامامية للبتلوا فى اى طريقة عمل اسكالوب اذا كان بانية او ماشروم او اى صوص او بيكاتا . غير كدة مش هاينفع . واللحمة البتلوا معروفة بانها من اللحوم البيضاء السهلة فى التسوية .
