مطبخ روتانا
طريقه عمل طاجن الباميه باللحمه
![طريقه عمل طاجن الباميه باللحمه](https://rotana-news.com/wp-content/uploads/2021/04/172935913_314679176742714_2892302385942998465_n-300x169.jpg)
مقدم من الشيف/ عبير سيد
لمقادير
نصف كيلو باميه
نصف كيلو لحمه
5حبات طماطم مضروبه فى الخلاط
معلقه كبيره صلصله طماطم
2معلقه كبيره سمنه
بصله مبشوره
حبه فلفل احمر مهروس حار او بارد
نصف معلقه صغيره فلفل أسمر
نصف معلقه صغيره بهارات السبعه
3ورقات ورق لورا
معلقه صغيره سكر
مكعب ماجى
ملح
ماء ساخن لتزويد اللحمه والباميه
للطشه
معلقه صغيره ثوم مهروس
معلقه كبيره كزبره ناشفه
معلقه سمنه
الطريقه
نحضر حله ونضيف معلقه من السمنه واول ما السمنه تسيح ننزل باللحمه ونبتدى نشوحها كويس ونضيف الفلفل الاسمر والبهارات السبعه والورق اللورى ومكعب الماجى ومعلقه السكر بعد كده ننزل بعصير الطماطم ومعلقه الصلصه ونزود بالمياه السخنه حوالى كوب ونسبها على نار هاديه جدا ولو احتجنا مياه نزود تانى لحد اللحمه ما تستوى بعد كده نضيف الباميه ولو احتجنا مياه نزود ونضيف الملح ونبتدى نعمل الطشه طاسه على النار ننزل بمعلقه السمنه التانيه واول ما تسيح نضيف الثوم واول الثوم ما يوصل للون الذهبى ننزل بمعلقه الكزبره الناشفه واول الكزبره توصل للون الذهبى نطفى النار وننزل بالطشه على الباميه ونحضر طاجن وننزل بالباميه واللحمه وندخلها الفرن فى الرف اللى تحت لمده نصف ساعه
ملحوظه
لازم الفرن يكون سخن قبل ما ندخل الباميه الفرن