مطبخ روتانا
طريقه عمل الكنافه بكريمه الباستري علي الفحم
![طريقه عمل الكنافه بكريمه الباستري علي الفحم](https://rotana-news.com/wp-content/uploads/2021/04/172580774_949160769152164_7513000714600547807_n-169x300.jpg)
مقدم من الشيف التألق دائما/ ابراهيم فوزي محمد غزال
لمقادير
نصف كيلو كنافة آلى
نصف كوب زبده سايحه
1/2 كوب سكر بودره
طريقة كريمة الباسترى للكنافة .
٣ أكواب لبن
٤صفار بيض
معلقة فانيليا
٤ معالق كبيرة نشا
طريقة تحضير الكريمة
فى وعاء على الفحم هنضيف ٢كوب ونصف لبن (حليب ) وبعد ذلك فى الخلاط الكهربائي هنضيف نصف كوب اللبن المتبقى من ٣ اكواب ومعها الفانيليا وصفار البيض والنشا وهنضربهم فى الخلاط جيدا وبعد ذلك هنضفهم على اللبن وهو على الفحم مع التقليب المستمر حتى نحصل على القوام الكريمى المناسب و نغلق النار .
كريمه الباسترى هنا مش هنضيف فيها سكر علشان الكنافه فيها سكر وكمان هنسقيها شربات فامش هنحتاج اضافه سكر
مقادير الشربات
٢كوب سكر
كوب ماء
نصف ليمونه
معلقة سمن
هنضفهم على بعض على الفحم بدون تقليب لمدة 10 دقائق
طريقة تحضير الكنافه
هنشترى الكنافة ونحطها فى الفريزر يوم كامل حتى تتجمد وبعد كده هنخرجها من الفريزر ونحطها فى طبق كبير ونفرقها كويس بايدنا حتى تصبح نخاله هنضيف عليها السمن والسكر البودره وندعكها كويس جدا وبعد كده هنجيب صنية وندهنها بالسمن ونضيف نصف الكنافة فى الصنية ونضغط عليها كويس اوى وبعد كده هنضيف كريمة الباسترى وممكن نضيف مكسرات حسب الرغبة عليها وهنضيف الطبقة التانية من الكنافة ونفردها براحه علشان الكريمة ونشعل الفحم ونضع الصينيه علي الفحم يحمر الوجة ويبقى ذهبى ونقلبه حتي يحمر الوجه الثاني ويتم رفعها من علي الفحم ونضيف الشربات البارد عليها وبالف هنا .