مطبخ روتانا
طريقه عمل اجنحه دجاج الصويا صوص والكاتشب
مقدم من الشيف/ سما محمود
المكونات
٢كيلوا اجنحه
كوب دقيق
كوب نشا
5 معالق صلصه
4 معالق كاتشب
نص كوب خل
معلقتين كبار عسل اسود
معلقتين كبار صويا صوص
م ص صغيره بصل ثوم بودر
م ص فلفل وسكر وشطه وبابريكا
م ك ملح
زيت للتحمير
الطريقه
نغسل الاجنحه حلو جدا ونقطع الطرف الاخير منها
ونتبلها بملح وفلفل ونضعهم في الدقيق والنشا ولما نخلص الكميه نجهز الزيت الغزير المقدوح ونزل الاجنحه علي جزئين ونوطي النار ونغطيها ونسبها تستوي وتقرمش علي رحتها
..الصوص
نضع زبده وزيت في طاسه وعليهم بالتدريج الصلصه والكاتشب والتوابل والعسل الاسود ونضع نص كوب مياه وندوب فيهم معلقه كبيره نشا ونقلب بالمضرب وننزل عليهم بالصويا صوص والخل ولما تتقل نطفئ عليها ونضع الصينيه علي النار ونضيف فيها الاجنحه وننزل بالصوص ونقلب كويس علشان كله يتشرب ونقدمها
وبالف هنا