عالم فن
حصريا لروتانا نيوز أغنية بيت يجمعنا أول لحن ليا وقريبا فيديو كليب الساعة أربعة
حوار مريم عوض
إنطلقت نجمة ستار اكاديمي أية عبد الرؤوف بشكل إحترافي في إختيار أعمالها تميزت ما بين جيلها بالصوت واللون المختلف وتميزت باللون الرومانسي الكلاسيكي ورفضت الانسياق وراء السائد وأختارت أ ن يكون لها هوية خاصة وتحتل مكانة خاصة ومرموقة علي الساحة الغنائية تميزت بالكاريزما والحضور وحب الناس ليها عبر أغانيها
س١/كيف بدأ إنطلاقك علي الساحة الغنائية؟
ظهرت بشكل كبير من خلال برنامج ستار اكاديمي ٢٠٠٩ الموسم السادس أول حاجة تعرفلي بالناس كشكل كبير كمطربة كنت بغني وأنا عندي ٩سنين في الأوبرا مع سليم سحاب ومسرح البالو وقصور الثقافة وأكتر خطوة عرفتني بالناس ستار اكاديمي
س٢/ إيه أكثر حد تعاونتي معاه في مجال الغنائي وحابه اللي إنتي تتعاملي معاه مرة تانية؟
إشتغلت مع ناس كتيير أوي حققت معاهم حاجات حلوه أوي نادر نور كانت أغنية جميلة ومن الملحنين مودي سعيد من أقرب الملحنين إلي قلبي وعملنا مع بعض أغنية والشاعر هاني رجب ولحني أغنية جميلة جدا وجوليو وسامر أبو طالب كل أغنية أنا بعملها فيها حاجة مختلفة علي اللي فاتت
س ٣/ ما اللون الموسيقي اللي ترفضيه؟
الشعبي والمهرجانات مش قريبين من قلبي خالص
س ٤/هل هناك معايير معينة عندما تختاري أعمالك؟ معظم الفنانين بيختارو أغانيهم بناءاً علي موقف حصل لهم؟
أنا عمري ما إختارت الأغنية اللي تعبر عني أنا دايماً بحب أختار الحاجة اللي أنا بحبها موضوع جديد ومختلف ومفراداته بيتكلم على حاجة جديدة والأغنية تكون مختلفة
س ٥/الحياة الفنيه مليئة بالصعوبات كيف أثرت عليكي؟
كورونا أثرت علينا كفنانين في الفترة اللي فاتت لأن الحفلات والشغل وقفوا الوسط مش سهل خالص اللي إنتي تستمري بوسط الذوق العام المختلف الفترة دي يمكن أكتر حاجة بتعمل نجاحات هي المهرجانات هو مسبب شوية تشتيت للناس
س ٦ / هل هناك أنماط أخري تحبي تغنيها دائماً؟
أنا بحب أغني كل أشكال الأغاني كل الحالات كل أنواع الموسيقية المقسوم والدراما والرومانسي دايماً بحب أقدم حاجة بشكل مختلف
س ٧/ كيف تتعاملي مع السويشيال ميديا؟
من زمان ما كنتش مهتمة بالسويشيال فاكتشفت مؤخرا ضروري السويشيال ميديا دايماً أكون متواصلة مع الناس بصفحتي وأكون متواصلة مع الناس من خلال الانستقرام لقيت اللي كل ده ضروري
س ٨/ هل يأسرك جمال الرجل أم ذكاؤه؟
ذكاؤه وشخصيته أقوي بكتيير
س ٩/ وما الذي يزعجك بالرجل؟
اللي أحس إنه ليس لديه تفكير ولا نضج ولا مسؤولية
س ١٠ / الصورة سلاح ذو حدين كيف تؤثر على حياة الفنان؟
في ناس بتحكم علي الصورة لشخص ممكن تتخذ في وقت معين بشكل معين الناس بتحكم علي شخص بطريقه خاطئه بس طبيعي الفنانين بيبقوا عليهم كلام وممكن أي حركة بسيطة يخلي الناس يتكلموا مش بس صورة في أفعال وكلمات بسيطة اللي تتقال من شرين سببت في جدل كبير
س ١١ بالنسبة أغنية بيت يجمعنا دي أول لحن لحضرتك؟
دي أول مرة ألحن أغنية أنا ماكنتش بشوف دي حاجه أحب أعملها اللي أنا بلحن وأكتب مثلا أكتشفت اللي أنا بحب الغناء أكتر حاجة وتعودت أخذ من إحساس وروح الملحنين علشان يبقي ليا شكل مختلف شجعني أوي أن أعمل الأغنية باللحن ده لما سمعت الموزع أنور عمرو عجبه أوي اللحن وشجعني أعملها
س ١٢/إيه الفنان اللي تحبي تلحنينه بالمستقبل؟
شرين وحماقي وتامر عاشور بحس إنهم قريبين مني وأنا بحب أخذ من اللي حواليا أكتر من أنا أعمل الحاجة لنفسي
س ١٣/ لو حابتي تغني دويتو تغني مع مين؟
عمرودياب او فضل شاكر
س ١٤ ما هواياتك المفضلة؟
القراءة وتصميم الأزياء أكتر حاجة بحب أعملها
س ١٤ / ما هي أهدافك في المستقبل؟
إن شاء الله أكون نجمة الوطن العربي ومن النجمات الأولي
س ١٥ /هل فكرتي بخطوة التمثيل؟
لحد دلوقتي بالنسبالي عندما أدخل المجال أن يكون في فرصة تحطيني في مكان ظاهر وأقوم بعمل هادف ومجتش فرصة مناسبة وحاليا أركز في الغني
س ١٦ /وماذا عن أعمالك الغنائية الجديدة؟
في فيديو كليب جديد هينزل شركة لايف ستارز استديو ز أغنية الساعة أربعة كلمات أحمد حسن رؤول ولحن أحمد زعيم وتوزيع لأسامة عبد المنعم وإخراج رودينا حطوم تصويره في مصر وقريبا هيعرض بالشهر المقبل
تعليق واحد
أعجبني
تعليق
