مقدمه من الشيف / دعاء محمد
احلى و الذ كيكة شوكولاته بدون سكر بدون دقيق بدون زيت او زبده و طعمها روعه مش هتبطلوا تعملوها اكيييد
احلى من اى كيكة شوكولاته بالسكر و الزبده و الدقيق الابيض و كمان هتطلع احلى مع الصوص او الفروستنج الرائع و الصحي كمان الي هنعمله معاها
مقادير الكيكه
كوب و نصف زبادي بحرارة المطبخ
كوب الا ربع لبن حليب بحرارة المطبخ
معلقه صغيره فانيليا
كوب الا ربع بودرة الكاكاو الخام
كوب سكر دايت و ممكن عسل
٢ بيضه
كوب و نصف شوفان مطحون ناعم
معلقه صغيره و نصف بيكربونات الصوديوم
الطريقه
نخلط البيض و السكر و الزبادي و الحليب و الفانيليا و نقلب بالمضرب اليدوي حتى يذوب السكر
نضيف الشوفان و الباكينج صودا و نقلب و نصب الخليط في صنيه مدهونه زبده خفيفه جدا و ندخلها فرن ساخن على الرف الاوسط على ١٨٠ درجه لمدة نصف ساعه و نتركها تبرد شويه
طبقة الفروستنج
٤ معالق كبار زبدة الفول السوداني
٤ معالق كبار عسل
من ٤ – ٦ معالق لبن حليب
الطريقه
نخلط كل المكونات مع بعض و نتحكم في القوام باللبن
نضيف الفروستنج على سطح الكيكة و هي دافيه
و بالهنا و الشفا
ملحوظه مهمه جدا 
كمية السكر الدايت في الكيكه تختلف من نوع سكر للتاني يعني لو السكر الي عندكم بيحلي اوي قللوا طبعا عن الكوب
