مدينة الجن ؟!مدينة كاملة تحت الارض ؟!
مدينة الجن ؟!مدينة كاملة تحت الارض ؟!

مدينة الجن ؟!مدينة كاملة تحت الارض ؟!

بقلم /احمد زهرى

مدينة ” ديرنكويو أو مدينة الجن ” تم اكتشاف المدينة عن طريق الصدفة لما حد من سكان محافظة ” نوشهر ” منطقة وسط الأناضول بـ تركيا ، حد من سكان المنطقة دي كان بيعمل شوية تجديدات في بيته كان بيهدم جدار من جدران منزله ، فجأة لقي ورا الجدار ده فتحه بتوصله لمدينة كاملة تحت الأرض! طبعا بعدها فريق كامل من الآثار جه وعمل عمليات حفر واكتشاف للمدينة… تعالوا بقى نتعرف على مدينة الجن؟!..

عمق المدينة بيمتد لـ 51 متر ، لما تم اكتشاف المدينة تم تصنيفها أنها من غرائب وعجائب الدنيا وواحدة من الاكتشافات الاثرية الاكثر إثارة للفضول في العالم..
تم تسمية المدينة بـ ديرنكويو وتعني ” البئر العميق ” وده لان حجمها كبير جدا وعمقها الطويل تحت الارض ، وكمان معروفة بمدينة الجن..
المدينة من الداخل تحتوي على مساكن للعيش ومطابخ وممرات ، مش كده وبس… كمان موجود غرف لعصر النبيذ واسطبلات وغرف دينية وحتى موجود مقابر كبيرة!.. وده يدل ان الهدف من بناء المدينة تحت الأرض هو الاحتماء والتخفي من أي خطر.. مداخل المدينة كانت عبارة عن صخور كبيرة بتتدحرج لسد المنافذ ومنع دخول أي خطر…
هندسة وطريقة البناء…
هندسة مدينة ” ديرنكويو ” كان صعب ودقيق جدا فهي مبنية داخل صخور بركانية لينة اللي تتطلب بناء أعمدة أساس تتحمل طبقات الارض ، يعني أنها بنيت من مواد بناء دقيقة جدا بحيث ان التعامل مع الصخور هيكون بعناية فائقة…
قالوا المهندسين اللي دخلوا المدينة ، أن بناء المدينة تحدي كبير لأي حضارة ومن المستحيل أن يتم بناء مدينة بالتصميم ده في وقتنا ده ، كمان تصميم المدينة لا يقل اهمية عن أهرامات الجيزة ، لان عمل يوصف بأنه غاية في الاتقان الأمر اللي يصعب على العقل استيعاب طريقة بنائه…
والمثير هنا ان محصلش طول السنين دي أي كوارث أو انسداد في سراديب أو ممرات المدينة، وده يدل ان سكان المدينة كانوا بيمتلكوا نوع خاص من التكنولوجيا ، وده خلى العلماء يحتاروا في طبيعة السكان ، هل هما من البشر أو أنهم جن!…
واكد المهندسين المختصين في بناء الحضارات إن إعادة بناء ” ديرنكويو ” الجديدة يعتبر مهمة شبه مستحيلة حتى لو استخدمت في بنائها الآت ومعدات العصر الحديث!…
وقال بعض العلماء أن غريب ان البشر في العصور القديمة وبوسائل بدائية انهم يبنوا مدينة مثل ” ديرنكويو ” وقال البعض ان ديرنكويو اتبنت بواسطة كيانات خارقة الجن!…
مدينة ” ديرنكويو ” مدينة مليئة بالأسرار ، لغز غامض يضاف إلى سلسلة من الأسرار والغموض اللي موجودة في اماكن كتير حول العالم ، واكتشاف مدينة ديرنكويو بيمثل تحدي قوي لقدرات البشر! مين بنى المدينة؟ وايه الغرض منها؟ أسئلة لا إجابة لها!…
عرضت قناة ” هيستوري ” برنامج بعنوان ” الكائنات الخارجية القديمة Ancient Aliens وتم تخصيص حلقة عن مدينة ديرنكويو في تركيا وفي البرنامج قالوا إن اللي بنى المدينة كائنات خارجية مش بشر … وتم عرض صور خارجية وداخلية عن السراديب…
طبقات المدينة وحجراتها…
بيبلغ عمق المدينة أكتر من 85 متر تحت سطح الأرض وهي مجهزة تجهيز كافي للرجال والنساء والأطفال وحتى المواشي! وبتمتلك المدينة العديد من وسائل الراحة والترفيه.. لحد وقتنا ده تم اكتشاف 13 طبقة تحت سطح الأرض ، وموجود ب المدينة فتحات تهوية تسهل دخول وتوفير الهواء النقي لطوابق المدينة.. كمان يوجد عدد كبير من الغرف ومساحة المدينة تكفي أكتر من 20 ألف شخص! كمان موجود عدد كبير من المعابد الدينية ، وخزانات طعام ، مجاري مياه عذبة وأماكن مخصصة الحيوانات ووسائل أمن غريبة وذكية..
هنا يجي سؤال صعب حد يلاقي له اجابة… ايه اللي خلى الحضارة دي انها تبني مدينة كاملة تحت الأرض ويعيشوا فيها ، بدل ما يبنوا المدينة دي فوق الارض ، ليه تحت الأرض؟!
ابواب المدينة عبارة عن صخور بتزن من 200 الى 500 كجم ، ويمكن فتحها وتحريكها لكن من الداخل فقط! وده اثبت للعلماء ان اللي كان عايش في المدينة دي كان مختبئ من شيء ما؟!…
والان ما هو رايكم ، ولماذا تم بناء مدينة كاملة تحت الأرض؟! لو كانوا من البشر فاكيد طريقة تصميم المدينة وأبوابها التي تفتح من الداخل يبقى كان فيه شيء بيهدد وجودهم؟ ياترى ايه الشيء ده؟!
انا بصراحة مع ان اللي بنى المدينة دي مش بشر اللي بناها جنس آخر غير البشر ، الله اعلم بيه؟!…
منتظر اجابتكم في الكومنتات
ليه المدينة اتبنت تحت الأرض؟!
وهل اللي بناها بشر ولا جن؟!

عن Ebrahim Hamed