الامير محمد على
الامير محمد على

جدتى

جدتى

الامير محمد على

ملامح جدتى أمنه

ريفيه بهية الأوصاف

وأم لأمى ..مؤتمنه

وفيها طيبة الأرياف

ويوم ما تكون زيارتها
تجينا وشوقها سايقها
ودايما كان فى جعبتها
كرم وكرمها سابقها
وكنا نشوف فى جياتها
جبل حنيه متعافى
تخدنا بحب لراحتها
ونلزق فيها بتعافى
نشوف دايما ملامحها
غيطان الريف مع نخيله
ونور الشمس وصباحها
وحسن البدر مع ليله
ولما نروح لزيارتها
تكون شمعه فى وسط الدار
وعِِنبه كات على بيتها
وكرْمه بتبهر الزوار
ونلقى طيورها وخروفها
بتجرى من مكان لكمان
نشوف ريشها مع صوفها
ونبقى فى اسعد الازمان
بحس بجدتى لما
بشوف احفادى ويايا
ولاقى عواطفى مهتمه
بهم والحب جوايا
ولما الفكر يستنى
اليكى بدعى واتمنى
برحمه وقصر فى الجنه
اليكى ياجدتى أمنه

ربما تحتوي الصورة على: ‏‏شخص واحد‏، ‏‏‏قبعة‏ و‏هاتف‏‏‏‏

عن abdo barbary