الفرق بين الحرب عليك والحرب عشانك..!
الفرق بين الحرب عليك والحرب عشانك..!

الفرق بين الحرب عليك والحرب عشانك..!

الكاتب /أشرف فتحي عبد العزيز

كلنا أتمني الحب بمواصفات معينه شايفها هي مقياس السعادة والفرح ومصدر الأمان والإحتواء للقلب والاطمئنان للروح والرومانسية اللي ملهاش نهاية…!

حلم من حقك تعيش فيه بكل طموحك وامانيك حب صافي بكل مشاعر الحياة وأحاسيس الجمال لحد ما الحلم يبقى واقع ويسكن قلبك شخص حقيقي، بعدها بتحاول تحقق معاه اللي اتمنيتوا حب مثالي خالي من العيوب والتقليد..!

بس ممكن ميكنش الشخص ده حاسس بمعنى الحب اللي حلمت بيه، وتدخل في حالة توهان مقسوم فيها لشخصين ، شخص بيحارب نفسك من جواك علشان تبعد قبل ما تتوجع من حلمك وحبك، وشخص بيحارب بقلبه في الطرف الثاني علشان يتغير ويكون النبض والحياة ويقدر يحتويك في كل حالاتك ويكون جمبك في كل مراحل حياتك اللي بتمر عليك يكون السند والقوة والأمان بجد…!

الحياة بتفرض علينا حاجات كتير ملهاش علاقة باللي جوانا او باحلامنا متناقضة لاحساسنا وهمجية مرات بعكس المشاعر اللي فينا ومع كل ده بتحارب فيها ومعاها و تحاول تحافظ علي الشخص ده…!

مش ضعف منك أو مفيش غيروا فـ الكون بس علشان حبيت بضمير وبصدق بتحاول مهمة فشلت يفضل جواك امل لحد ما الطرف التاني إما يمسك إيدك ويحارب معاك وأما يحارب مع الدنياء عليك ويصَمم يخسرك ويكسرك…!

لازم الناس دي تفهم معني انك تحارب عشاني ومعني انك بتحاربني وتحارب قلبي وحبي علشان نفسك وأنانيتك عارف يعني إيه بتحارب عشاني يعني بتمنع عني أي أذي ووجع ومشاكل وحزن حتي لو كان من نفسك هو ده أصل الحب الاحتواء والتضحية….!

لازم الناس دي تعرف إنك بتسامح في كل مرة علي غلطتهم فيك مش ضعف بالعكس دي قوة علشان بقولك انا متمسك بيك رغم عيوبك واتغير و متوجعش قلبي علي حبي ليك علشان في لحظة الانهيار منك قلبي هيطردك منه حتي لو هيموت وهيكمل من غيرك …!

الكلام مش هينتهي في الموضوع ده لأخر العمر لان ببساطة الحب سلام مش حرب، بس لما تدافع عن حبك وقتها بتبقي حرب من أجل السلام… !

 

الفرق بين الحرب عليك والحرب عشانك..!
الفرق بين الحرب عليك والحرب عشانك..!

عن Wafaa Daramalli