الـوجـع..!!
الـوجـع..!!

الـوجـع..!

بقلم الإعلامي/ يوحنا عزمي

الوجع اللي بتتوجعه من حد عزيز عليك
بيكون غير اي وجع تاني ..
بتحس وقتها أن قلبك هو اللي متعور .. مجروح
مجروح جرح .. لا ينفع يتخيط ولا يتداوي
لان علي قد المحبة .. بيكون الوجع ..!!

وعلي قد الجرح ماهو كبير اوي ..
علي قد مابيكون الشخص اللي جرحك غالي قوي عندك
ومش بتنسي ان هو بس جرحك ووجعك … لا
ده كمان علم عليك ..!!

علم علي كل نبضه في قلبك
وعلي كل ذرة في مشاعرك واحساسك
علم بوجع كده ميتوصفش ..
بس خليك عارف كويس ..
ان اللي بيحبك مش هيرضي قلبك يتوجع ولو دقيقة
وخلينا عارفين كويس..!!

الوجع لما بنتعود عليه .. بيبقي عادي
الغياب لما بيتكرر .. مبيأثرش
الإهمال لما بيزيد .. بيخليك تبعد
اي حاجه لما بتتكرر كتير أثرها علينا بيقل
بس في كل مره في حاجات كتير جوانا بتموت
ممكن تكون باين ان انت قوي ومش فارق معاك اي حاجه
بس من جواك انت تايه ومدمر ..!!

بس زي ما فيه ناس بتعرف توجع وبس
في ناس تانيه بتعرف تحب بجد
بتعرف تحن وتشتاق ..
ناس تانيه بتعرف تدفي بالكلمة
وتحتوينا وتحضنا بالنظرة والاهتمام.

الـوجـع..!!
الـوجـع..!!

عن Wafaa Daramalli